კატეგორიები
 
032 2 04 10 19
0კალათა

Microsoft გთავაზობთ TPM 2.0 შემოვლით Windows 11-ის ინსტალაციას მხარდაუჭერელ კომპიუტერებზე

სექტემბერი 8, 2022

მაიკროსოფტი თვეების განმავლობაში უცხადებდა მომხმარებლებს, რომ Windows 11 საჭიროებს უსაფრთხოების სპეციალურ ჩიპს სახელწოდებით TPM 2.0, მაგრამ თქვენ შეგიძლიათ რეალურად გადალახოთ შეზღუდვა Microsoft-ის მიერ მოთხოვნები შემოვლითი გზით.

ბედის ირონიით და მომხმარებლების გასახარებლად, თავად კომპანიამ გამოაქვეყნა ოფიციალური ინსტრუქცია თავის ვებსაიტზე {support.microsoft}, სადაც აღწერილია, თუ როგორ უნდა ავიცილოთ TPM 2.0 მოთხოვნა.

პროცესი გულისხმობს თქვენი Windows 10 მოწყობილობის აღებას და OS-ში რეესტრის გასაღების მნიშვნელობების შეცვლას TPM 2.0-ის შემოწმების გასათიშად.

თუმცა, შემოვლითი გზა ვრცელდება მხოლოდ კომპიუტერებზე, რომლებსაც აქვთ მინიმუმ TPM 1.2, რომელიც უნდა იყოს ჩართული. ეს ჩვეულებრივ შეიძლება გაკეთდეს გაშვებისას მოეყობილობის BIOS ში.

Microsoft-ის მიერ შემოთავაზებულმა ხერხმა  ასევე უნდა ჩართოს Windows 11-ის ინსტალაცია კომპიუტერებზე, რომლებსაც აქვთ პროცესორი უფრო ძველი ვიდრე ოფიციალური სისტემის მოთხოვნები, მაგალითად AMD Ryzen 1000 პროცესორი ან Intel-ის მე-7 თაობის Core ჩიპებზე.

კომპანიის ვებ-გვერდზე აღნიშნულია: "Windows 11-ის ინსტალაცია არ შეამოწმებს შემდეგ მოთხოვნებს: TPM 2.0 (საჭიროა მინიმუმ TPM 1.2) და CPU ის  მოდელს.

Windows 10-ში რეესტრის მნიშვნელობის დასამატებლად დააჭირეთ ღილაკს დაწყება, მოძებნეთ „Registry Editor“ და გაუშვით აპლიკაცია. შემდეგ გადადით "HKEYLOCALMACHINE\SYSTEM\Setup\MoSetup" და დაამატეთ ახალი REG_DWORD ჩანაწერი სახელით AllowUpgradesWithUnsupportedTPMOrCPU და დააყენეთ მნიშვნელობა 1-ზე.