Twitter-ის ვერიფიცირების ფუნქცია და ლურჯი ნიშანი ფასიანი გახდა

11/09/2022

Twitter-ზე რეადიკალური ცვლილებები მიმდინარეობს .კომპანიის მართვის დაწყებიდან პირველივე თვეს, მსოფლიოს უმდიდრესი მეწარმე ილონ მასკი სოციალურ ქსელთან დაკავშირებით რადიკალურ ცვლილებებს ახორციელებს. რაც უკვე აქტიური განხილვის საგნად იქცა.

მიმდინარე კვირის დასაწყისიდან, Twitter-ის ვერიფიკაციის ფუნქცია და ლურჯი ნიშანი ფასიანი გახდა და მისი საფასური თვეში 8 დოლარით განისაზღვრა. ეს ახალი ცვლილება უკვე დანერგილია და გააქტიურებული.

მასკის განმარტებით, Twitter-ის ფასიანი სერვისის მომხმარებელი საძიებო სისტემასა და კომენტარების სექციაში პრიორიტეტს მიიღებს; გარდა ამისა, ვერიფიცირებული მომხმარებლები სოციალურ ქსელში განთავსებული რეკლამების მხოლოდ ნახევარს ნახავენ და ისინი შედარებით ხანგრძლივი ვიდეოების ატვირთვის ფუნქციასაც მიიღებენ. რაც შესაბამისად გულისხმობს დამატებით სარგებლიანობას რეკლამის გავრცელების დროს.

რა თქმა უნდა ამ ცვილელბას  სოციალური ქსელის მომხმარებელთა უდიდესი ნაწილისგან კრიტიკა მოჰყვა, თუმცა მსოფლიოს უმდიდრესი მეწარმე ამტკიცებს, რომ Twitter-ის ფუნქციონირებისთვის აუცილებელია შემოსავლების გაზრდა, ვერიფიცირების კომერციალიზაცია კი ამის ერთ-ერთი საუკეთესო საშუალებაა. ეს ცვლილება პირდაპირ მიუთითებს Twitter-ის ბიუჯეტის ზრდაზე.