დაამატე შენი ბარათი Google საფულეში და გადაიხადე, სადაც გინდა უფრო მარტივად

11/16/2022

Google Pay-ს უკონტაქტო გადახდების სისტემა უკვე ხელმისაწვდომია. მათ, ვისაც Android-ის ტელეფონი აქვს,ექნებათ შესაძლებლობა, ისარგებლონ ამ საგადახდო სისტემით და სწრაფად, მარტივად და უსაფრთხოდ, ტელეფონის პოსტერმინალზე ერთი დადებით განახორციელონ გადახდები. Google Pay-ს მეშვეობით მომხმარებელს შეუძლია Visa, Mastercard და American Express- ბარათით გადაიხადოს სავაჭრო და მომსახურების ობიექტებში პოს-ტერმინალით და ონლაინ ვაჭრობისას. ასევე, გაანაღდოს თანხა ბანკომატით Visa ან Mastercard-ის საშუალებით.


Google საფულის  საგადახდო აპლიკაციაში ბარათის დამატება ძალიან მარტივია. მომხმარებელი მობილბანკში ავტორიზაციის გავლის შემდეგ Google საფულეში მისთვის სასურველი საბანკო ბარათის Visa, Mastercard თუ American Express მონაცემებს შენახავს  , რომლის შემდეგაც ავტომატურად ეხსნება Google საფულე და მასში ასევე ავტომატურად აისახება საბანკო ბარათის მონაცემები


პირველ რიგში დაგჭირდება ანდროიდის ტელეფონი 5.0 NFC-ზე მაღალი მხარდაჭერით. ტელეფონში გადმოწერ Google Wallet და დაამატებ საქართველოს ბანკის ნებისმიერ ბარათს.

გადაიხდი ყველგან: მაღაზიებში, მომსახურების ობიექტებში ტერმინალებზე, ავტობუსში, მეტროში, პარკინგზე და ა.შ.
ონლაინ გადაიხდი ვებ-გვერდებზე და აპლიკაციებში.
 
არ დაგავიწყდეს, რომ შეძლებ გადაიხადო როგორც ტელეფონით ასევე smart საათით და სხვა მოწყობილობებით, რომელსაც აქვს NFC მხარდაჭერა.მოქმედებს სტანდარტული გადახდა/განაღდების რაოდენობრივი და თანხობრივი ლიმიტები. 


 Google Pay-ს გამოყენება გადახდებს კიდევ უფრო დაცულს ხდის. რაც იმას ნიშნავს, რომ როდესაც მომხმარებელი ახორციელებს გადახდებს Google Wallet-ში არჩეული ბარათის მეშვეობით, ტრანზაქციები ვირტუალური ბარათის  ნომრის გამოყენებით ხორციელდება. ეს გახლავთ უსაფრთხოების დინამიური კოდი, რომელიც ყოველ ტრანზაქციასთან ერთად იცვლება, რაც უსაფრთხოების დამატებით გარანტიას წარმოადგენს. 

"Google Pay მომხმარებლებს 45-ზე მეტ ქვეყანაში სთავაზობს სწრაფ, მარტივ და უსაფრთხო გადახდებს საკუთარი Android-ით ან Wear OS მოწყობილობით", — განაცხადა ჯენი ჩენგმა.