Apple Pay-ს კონკურენტის შესაქმნელად JPMorgan, Wells Fargo და Bank of America ერთიანდებიან

01/24/2023

მსოფლიოს უმსხვილესი კომერციული ბანკები: JPMorgan Chese, Wells Fargo და Bank of America ერთიანდებიან, რათა Apple Pay-სა და PayPal-ის კონკურენტი ციფრული პლატფორმა შექმნან.

The Wall Street Journal-ის ინფორმაციით, ტრადიციული ბანკები სულ უფრო მეტ ბაზრის წილს კარგავენ ფინტექ პლატფორმებთან, მათ შორის ყველაზე მზარდი კი სწორედ Apple-ის მიერ შექმნილი საგადახდო სისტემაა.

როგორც წყაროები იუწყებიან, მსხვილი ბანკების ერთობლივ პროექტში ჩართულნი არიან Visa და Mastercard-იც.

ექსპერტების შეფასებით, Apple Pay-სთვის სათანადო კონკურენციის გასაწევად ბანკებმა უნდა შეძლონ არა მარტო უფრო უკეთესი და მარტივი აპლიკაციის შექმნა, არამედ მისი დამატებითი ფუნქციონალით და უპირატესობებით აღჭურვა, ისეთი როგორიც სპეციალური ფასდაკლების აქციები და ქეშბექებია.